ڈیفنس سی سے نعش برآمد
لاہور(نامہ نگار)ڈیفنس سی کے علاقے سے70سالہ نامعلوم شخص کی لاش ملی ہے ۔پولیس نے شناخت نہ ہونے پر لاش مردہ خانے منتقل کر کے ورثاء کی تلاش شروع کر دی ہے۔ ڈیفنس سی کے علاقے برکی روڈ پر باؤ والا گاؤں کے قریب نامعلوم معمر شخص کی لاش دیکھ کر مقامی لوگوں نے پولیس کو اطلاع کی۔ پولیس نے موقع پر پہنچ کر لاش قبضے میں لے کراس کی شناخت کے لئے مقامی مساجد میں اعلانات کرائے اور شناخت نہ ہونے پر لاش پوسٹ مارٹم کے لئے مردہ خانے منتقل کر کے ورثا ء کی تلاش شروع کر دی ہے ۔
