کاہنہ:نجی سکول کا اجلاس، کونسل ڈے منایا گیا
کاہنہ(نامہ نگار ) نجی سکول کاہنہ نو میں سکول کونسل کا اجلاس ہوا۔ حکومت پنجاب کے حکم کے مطابق سکول کونسل ڈے منایا گیا جس میں والدین کی کثیر تعداد نے شرکت کی۔ سکول کونسل میں والدین اور اساتذہ کرام کی شمولیت، سکول کونسل کا ماہانہ بنیادوں پر اجلاس ، سکول میں شکایت بکس کو یقینی بنانا اور کونسل کے مقاصد جن میں بچوں کی فلاح بہبود ، جسمانی سزا، سکول یا والدین کی شکایات، سکول میں حفظان صحت کے اصول، سکول کی کینٹین، سکول میں فروخت ہونے والی یونیفارم، سٹیشنری، غیر نصابی سرگرمیاں ، کھیلوں ، مشروبات اور کھانے والی اشیاء کو حفظان صحت کے اصولوں کے مطابق پر بات کی گئی۔
