انگلش کھلاڑیوں کیلئے ہوٹل میں مکمل انتظام، باہر سے کچھ نہیں منگواسکیں گے
لاہور(سپورٹس رپورٹر)انگلینڈ ٹیسٹ سکواڈ کے کھلاڑیوں نے سکیورٹی انتظامات پر مکمل اعتماد کا اظہار کیاہے ۔انگلینڈ ٹیسٹ سکواڈ کو ہوٹل میں ہی مختلف سرگرمیاں کرنے کا موقع دیاجائیگا۔ مہمان کھلاڑیوں کیلئے ہوٹل میں منی گالف کا انتظام کیاگیا ہے جبکہ بین سٹوکس اپنے ساتھ اپنی پسندیدہ ویڈیو گیمز لائے ہیں۔ذرائع کا کہنا تھاکہ انگلینڈ ٹیسٹ سکواڈ کے متعدد کھلاڑیوں کو ویڈیو گیمز کا شوق ہے، زیک کرالی اپنے ساتھ پسندیدہ کارڈز کی گیم لائے ہیں جبکہ کیٹن جیننگز کافی کے شوقین ہیں اور وہ کافی مشین ہمراہ لائے ہیں۔ذرائع نے بتایا کہ مہمان کھلاڑیوں کو سکیورٹی ببل سے باہر جانے کی اجازت نہیں، مہمان کھلاڑی باہر سے کچھ نہیں منگوا سکتے، چیف سکیورٹی ببل میں پسندیدہ پکوان مہیا کریگا،انگلینڈ ٹیسٹ اسکواڈ کے ہمراہ شیف بھی آیا ہے۔
