لاہور(سپورٹس رپورٹر)قطر میں جاری فٹبال ورلڈ کپ میں ایران کی ویلز کے خلاف شاندار فتح نے سینکڑوں ایرانی قیدیوں کی زندگی بدل دی ہے۔ ایرانی جیلوں میں بند 700 سے زائد قیدیوں کو فتح کی خوشی میں رہا کر دیا گیا ہے۔ ایران کی عدلیہ کے آن لائن پورٹل ’ میزان ‘ پر جاری بیان میں کہا گیا کہ فٹ بال ورلڈ کپ میں ایران کی ویلز کے خلاف دو صفر سے فتح کے بعد ملک کی مختلف جیلوں میں قید 709 قیدیوں کو رہا کردیا گیا۔

قید سے رہائی کا پروانہ ملنے والوں میں ایران میں جاری حکومت مخالف مظاہروں میں گرفتار کیے گئے افراد بھی شامل ہیں۔