لاہور(سپورٹس رپورٹر)پاکستان والی بال ٹیم نے شاندار کارکردگی کا مظاہرہ کرتے ہوئے ایران کو تین ایک سیٹ سے شکست دے کر پہلی بارسنٹرل ایشین والی بال چیمپئن شپ جیت لی۔ بنگلہ دیش نے تیسری پوزیشن کے میچ میں سری لنکا کو سخت مقابلے کے بعد شکست دیکر وکٹری سٹینڈ پر رسائی حاصل کی۔ اختتامی تقریب کے مہمان خصوصی شہزاد نبی سینئر وائس پریذیڈنٹ اینگرو اور غلام حسین شاہد کنگڈم ویلی سی ای او نے کھلاڑیوں میں انعامات تقسیم کئے۔ شاندار آتش بازی کا مظاہرہ بھی کیا گیا جبکہ پاکستان ٹیم کی جیت پر ہال میں قومی ترانہ بھی بجایا گیا۔