لاہور(سپورٹس رپورٹر)ناردرن نے سندھ کو ایک اننگز اور 55 رنز سے ہرا کر پہلی مرتبہ قائداعظم ٹرافی جیت لی۔ قذافی سٹیڈیم میں کھیلے گئے فائنل میںسندھ نے دوسری اننگز 309 رنز کے خسارے کےساتھ شروع کی۔ چھ وکٹیں 59 رنز پر گر گئیں تاہم اس کے بعد فواد عالم نے ذمہ دارانہ بیٹنگ کی اور سنچری بنائی۔فواد عالمی 113 رنزبنا کر آﺅٹ ہوئے سندھ کی ٹیم دوسری اننگز میں 254 رنز بنا کر آﺅٹ ہوگئی۔عامر جمال اور محمد موسیٰ نے تین، تین وکٹیں حاصل کیں۔فائنل میں ناردرن نے اپنی پہلی اننگز میں 593 رنز بنائے‘محمد حریرہ نے ڈبل سنچری سکور کی، سندھ کی ٹیم پہلی اننگز میں 284 اور دوسری میں 254 رنز بنا سکی۔ناردرن نے فائنل ایک اننگز اور 55 رنز سے جیت کر پہلی مرتبہ قائد اعظم ٹرافی اپنے نام کی۔محمد حریرہ کو میچ کا بہترین کھلاڑی قرار دیا گیا ۔