لاہور(سپورٹس رپورٹر) انگلینڈ کے خلاف ٹیسٹ سیریز میں پاکستان کے دو کھلاڑی ٹیسٹ ڈیبیو کرسکتے ہیں۔فاسٹ بائولرحارث رؤف اورلیگ سپنر ابرار احمد راولپنڈی میں ٹیسٹ میچ کھیلنے کے مضبوط امیدوار ہیں۔پاکستان کی ٹیم میں تین آل راؤنڈرز کی شمولیت متوقع ہے۔ بائیں ہاتھ کیاسپنر محمد نواز ہوم گراؤنڈ پر پہلی بار ٹیسٹ کھیلیں گے۔ محمد نواز کیساتھ سلمان آغا اور فہیم اشرف و دیگر آل راؤنڈر ہوں گے۔عبداللہ شفیق کیساتھ امام الحق اننگز کا آغاز کریں گے۔ پاکستان کے ممکنہ 11 کھلاڑیوں میں بابراعظم، محمدرضوان، عبداللہ شفیق، امام الحق، اظہرعلی، سلمان علی آغاشامل ہونگے۔دیگر کھلاڑیوں میں محمد نواز، فہیم اشرف، حارث رؤف، نسیم شاہ اور ابرار احمد ٹیم کاحصہ ہوں گے۔