لاہور (نیوز رپورٹر) لاہور پریس کلب میں قلم کار صحافیوں کے اعزاز میں 30 نومبر بروز بدھ تقریب پذیرائی کا انعقاد ہوا۔ تقریب کی صدارت سینئر صحافی اور شاعر سعید آسی نے کی جبکہ بیدار سرمدی، اختر عباس اور عامر ہاشم خاکوانی مہمانان خصوصی تھے۔ صدر اعظم چودھری اور سیکریٹری عبدالمجید ساجد نے اپنے خطاب میں سند اعزاز پانے والے صحافیوں کی ادبی اور صحافتی خدمات کو سراہا اور اس عزم کا اعادہ کیا کہ پریس کلب ہمیشہ اپنی برادری سے تعلق رکھنے والے اہل قلم کے اعزاز میں ایسی تقریبات کا انعقاد کرتا رہے گا۔ طارق کامران، صبا ممتاز بانو اور سلمان رسول نے تقریب کی نظامت کے فرائض سر انجام دیئے۔ سند اعزاز پانے والے نمایاں صحافیوں میں تاثیر مصطفی، شہباز انور خان، سعید اختر، دین محمد درد، قمر الزمان بھٹی، خواجہ آفتاب، تمثیلہ چشتی، سعدیہ قریشی، غلام زہرا، طیبہ بخاری، روبینہ نذیر، میم سین بٹ، اسلم سعیدی، ارشاد امین، سعید واثق، عمران شیخ، نفیس قادری، نوید اسلم مغل، سرفراز انور صفی، شہزاد فراموش، فاروق شہزاد، فیصل سلہریا، عابد خان، اقبال بخاری، اقبال جھکڑ اور نفیس قادری سمیت کلب کے بہت سے ارکان شامل تھے۔