لاہور(سپورٹس رپورٹر)قطر میں جاری فیفا ورلڈ کپ کے دوران قطری شہریوں نے شاندار مہمان نوازی کی مثال قائم کردی۔تھمامہ سٹیڈیم کے قریب رہنے والے قطری شہریوں نے جگہ جگہ کھانے پینے کے سٹالز لگائے اور غیر ملکی مہمانوں کو مفت کھانا تقسیم کیا۔قطری شہریوں نے غیر ملکی شائقین فٹبال کو گھر کا بنا کھانا، پھل، کھجور اور قہوہ پیش کیا۔سٹیڈیم کی پارکنگ میں جگہ جگہ روایتی بیٹھک بھی لگائی گئیں۔ قطر کے ایک سٹیڈیم کی ویڈیو کو خوب سراہا گیا تھا، جس میں قطر کی جانب سے شائقین کیلئے انکی نشست پر ایک بیگ رکھا گیا تھا۔اس بیگ میں کھجور عطر اور دیگر چیزیں موجود تھی۔