لاہور(سپورٹس رپورٹر) پاکستان اور انگلینڈ کے درمیان ملتان ٹیسٹ کیلئے ٹکٹس کی فروخت کا آغاز ہو گیا۔پاکستان کرکٹ بورڈ کے مطابق 16 سال بعد ملتان کرکٹ سٹیڈیم میں ٹیسٹ میچ کی واپسی ہونے جارہی ہے، شائقین پاکستان‘ انگلینڈ کے درمیان دوسرے ٹیسٹ میچ کے ٹکٹس کی فروخت کا آغاز گزشتہ روز دن 2 بجے سے شروع ہوگیا۔ ملتان ٹیسٹ 9 سے 13 دسمبر تک کھیلا جائیگا۔پی سی بی نے ملتان ٹیسٹ کے دوران وی آئی پی ٹکٹس کی قیمت 250 روپے جبکہ پریمیم انکلوژر 150 روپے قیمت مقرر کی ہے، وی آئی پی انکلوژرز میں عمران خان، فضل محمود، جاوید میانداد اور ظہیر عباس شامل ہیں جبکہ پریمیم کیٹیگری میں آنے والے انکلوژرز میں وسیم اکرم، الٰہی برادر، حنیف محمد اور مشتاق احمد شامل ہیں۔میچ میں داخلے کی اجازت صرف پرنٹ شدہ ٹکٹوں پر دی جائیگی، ٹکٹس گلگشت باغ اور مین وہاڑی چوک پر قائم آفس سے صبح 9 سے شام 6 بجے تک دستیاب ہوں گے۔