لاہور (خبر نگار)  اینٹی کرپشن پنجاب نے کارکردگی کی سالانہ رپورٹ جاری کر دی۔ اینٹی کرپشن کو جنوری سے اکتوبر تک 19 ہزار 940 شکایات موصول ہوئیں۔ سب سے زیادہ پولیس اور محکمہ ریونیو سے متعلق تھیں۔ 962 ایف آئی آرز درج کی گئیں۔ 1 ہزار 80 کرپٹ عناصر کو گرفتار جبکہ 573 چالان عدالتوں میں پیش کئے گئے۔ 250 مفرور افراد کو گرفتار کیاگیا۔ اینٹی کرپشن پنجاب نے 2 ارب 43 کروڑ روپے سے زائد بالواسطہ اور بلاواسطہ ریکوری قومی خزانے میں جمع کرائی۔