لاہور(سپورٹس رپورٹر) انٹرنیشنل کرکٹ کونسل نے ٹیسٹ اور ون ڈے کی نئی رینکنگ جاری کردی، جس میں بابر اعظم کی ایک روزہ میچز بادشاہت برقرار ہے۔ بابر اعظم پہلے جبکہ امام الحق دوسرے نمبر پر ہیں جبکہ جنوبی افریقہ کے وین ڈر ڈوسن تیسرے، ڈی کوک چوتھے اور وارنر پانچویں نمبر پر ہیں۔ بائولرز میں ٹرینٹ بولڈ بدستور پہلے نمبر پرقابض ہیں جبکہ جوش ہیزل ووڈ دوسرے اور مچل سٹارک تیسرے نمبر پر ہیں جبکہ شاہین شاہ آفریدی پانچویں نمبر پر ہیں۔