لاہور(سپورٹس رپورٹر)حیات آباد کرکٹ سٹیڈیم پاکستان کرکٹ بورڈ کی تحویل میں دیدیا گیا۔ پاکستان کرکٹ بورڈ اور خیبرپختونخوا حکومت کے درمیان معاہدہ طے پایا ہے جس کے تحت پشاور کے حیات آباد کرکٹ سٹیڈیم پی سی بی کی تحویل میں چلا گیا۔سیکرٹری سپورٹس نے کہا ہے کہ خیبر پی کے حکومت نے ہیلتھ اور ایجوکیشن کے بعد کھیلوں پر توجہ دی ہے، اور صوبے میں سپورٹس کمپلیکس بنائے جا رہے ہیں۔ حیات آباد کرکٹ سٹیڈیم تیار ہے، اور ارباب نیاز کرکٹ سٹیڈیم تکمیل کے قریب ہے، اب حیات آباد گراؤنڈ پاکستان کرکٹ بورڈ کو دیا جا رہا ہے، سٹیڈیم کے انتظامی اختیارات پی سی بی کے پاس ہوں گے۔