اسلام آباد (نامہ نگار) وزارت تعلیم میں اسلام آباد کی 3یونیورسٹیز کے وائس چانسلرز کی تعیناتی کے عمل کا آغاز ہو گیا ہے، اسلام آباد کی قائداعظم، اسلامک انٹرنیشنل اور علامہ اقبال اوپن یونیورسٹی کے وائس چانسلر کی آسامیوں کیلئے انٹرویو کیے جائیں گے۔ وزارت تعلیم کا خصوصی پینل شارٹ لسٹ شدہ 108امیدواروں کا انٹرویو کرے گا۔ وزیر تعلیم، سیکرٹری وزارت تعلیم، چیئرمین ایچ ای سی، وائس چانسلر ورچوئل یونیورسٹی انٹرویو پینل کا حصہ ہیں۔