اسلام آباد(خصوصی نامہ نگار) بلوچستان کے دو اضلاع لسبیلہ اور حب کے ساتھ ساتھ ضلع پشین کی میونسپل کمیٹی حرمزئی میں لوکل گورنمنٹ کے پہلے مرحلے کے انتخابات۔ تفصیلات کے مطابق بلوچستان کے دو اضلاع لسبیلہ اور حب کے ساتھ ساتھ ضلع پشین کی میونسپل کمیٹی حرمزئی میں لوکل گورنمنٹ الیکشن کے پہلے مرحلے کے انتخابات کیلئے پولنگ آج اتوار 11 دسمبر کو ہو گی۔ پریذائیڈنگ افسران کو انتخابی سامان 10 دسمبر دیا گیا۔ ضلع حب اور لسبیلہ میں مجموعی طور  پر 259 پولنگ سٹیشن اور 690 پولنگ بوتھ بنائے گئے ہیں جہاں مرد ووٹرز کی تعداد 153236 اور خواتین ووٹرزکی تعداد 119087 ہے۔