ننکانہ صاحب(نامہ نگار)مختلف حادثات میں ایک خاتون سمیت دو افراد جاں بحق اور تین افراد شدید زخمی ہوگئے۔ تفصیلات کے مطابق نواحی گائوں کھکھ میں اچانک گھر کی چھت کی دیوار گر نے سے55سالہ خاتون زلیخا ملبے کے نیچے دب کر زخموں کی تاب نہ لاتے ہوئے جاں بحق ہوگئی جبکہ قصبہ منڈی فیض میں آباد الائیڈ بنک کے قریب زیر تعمیر مکان کی گو سے اچانک پائوں سلپ ہونے سے 24سالہ طیب علی زمین پر آگرااور نوجوان سر پر گہری چوٹ لگنے کے باعث زخموں کی تاب نہ لاتے ہوئے زندگی کی بازی ہار گیا دریں اثناء موٹر وے ایم 3 پر ریسٹ ایریا ننکانہ صاحب کے قریب تیز رفتار بس کی کیری ڈبہ ک و ٹکر کے نتیجہ میں ایک خاتون سمیت 3 افراد شدید زخمی ہوگئے، زخمیوں میں 18 سالہ زاہرہ بی بی ، 40 سالہ رحیم گل اور 45 سالہ اندرس گل شامل ہیں ریسکیو1122کے عملہ نے نعشوں اور زخمیوں کو طبی امداد فراہم کر کے ہسپتال منتقل کردیا۔