لاہور(سپورٹس ڈیسک) پولینڈ کی ٹینس سٹار اور عالمی نمبر ایک ایگا سویاٹیک نے پہلا ڈبلیو ٹی اے پلیئر آف ایئر کا ایوارڈ جیت لیا۔21 سالہ  ایگا سویاٹیک کو 2022 میں ڈبلیو ٹی اے ایونٹس میں شاندار کارکردگی پر پہلی بار ویمنز ٹینس ایسوسی ایشن کی جانب سے سال کی بہترین کھلاڑی کے ایوارڈ سے نوازا گیا ہے۔ایگا سویاٹیک اپنی عمدہ کارکردگی کی بدولت سال کا اختتام خواتین کے سنگلز مقابلوں کی عالمی درجہ بندی میں پہلی پوزیشن پر کیا ہے۔
ایگا سویاٹیک کیلئے 2022 ایک غیر معمولی سیزن تھا، جس میں انہوں نے 67 ڈبلیو ٹی اے میچز جیتنے سمیت 8 ٹائٹلز بھی اپنے نام کیے۔ایگا سویاٹیک نے فرنچ اوپن ٹینس اور یو ایس اوپن ٹینس ٹورنامنٹ بھی اسی سال اپنے نام کئے۔ خواتین کی درجہ بندی میں پہلی پوزیشن حاصل کی۔  ایگا سویا ٹیک 2016 میں انجلیک کربر کے بعد ایک سیزن میں دو گرینڈسلام ٹرافی جیتنے والی پہلی خاتون بن گئیں تھیں۔