گگو منڈی + بورے والا (نامہ نگار + نمائندہ نوائے وقت) تھانہ گگو منڈی کی حدود میں شادی بیاہ کی تقریبات میں فائرنگ کا سلسلہ نہ رک سکا، مہندی کی تقریب میں رشتہ داروں میں تلخ کلامی پر گولیاں چل گئیں۔ دلہے کا رشتہ دار 12سالہ کمسن بچہ جاں بحق‘ مقدمہ درج‘ گگو منڈی کے نواحی گاﺅں 247۔ ای بی میں محمد ارشد آ رائیں کے بیٹے اور بیٹی کی شادی میں مہندی کی تقریب میں اس کا بھانجا نوید اسلم اپنے بیٹے12سالہ احزم نوید بستی محمد پورہ کے ساتھ موجود تھا کہ اسی دوران اسی محلہ کا محمد غفران، محمد شعیب جموں، محمد سنی وغیرہ بھی آ گئے جن کے ساتھ رشتہ کے لین دین کا تنازعہ تھا جنہوں نے اسی رنج پر اندھا دھند فائرنگ شروع کر دی، جس کی زد میں آ کر 12سالہ احزم نوید سر میں گولی لگنے سے موقع پر ہی چل بسا، ملزمان موقع سے فرار ہو گئے۔ تھانہ گگو منڈی پولیس نے مقتول کے والد کی درخواست پر مقدمہ درج کر لیا ہے۔
شادی تقریب‘ بچہ جاں بحق