لاہور(سپورٹس رپورٹر)دورہ پاکستان کیلئے نیوزی لینڈ کے 15 رکنی ٹیسٹ سکواڈ کا اعلان کردیا گیا۔دورہ پاکستان میں ٹِم ساؤتھی نیوزی لینڈ ٹیسٹ ٹیم کی قیادت کریں گے جبکہ ٹرینٹ بولٹ نے دورے کیلئے عدم دستیابی ظاہر کی ہے۔نیوزی لینڈ ٹیسٹ سکواڈ میں لیگ سپنر ایش سوڈھی کی چار سال بعد واپسی ہوئی ہے، اس کے علاوہ بلیئر ٹکنر اور گلین فلپس کو بھی نیوزی لینڈ سکواڈ میں شامل کر لیا گیا۔کیوی سکواڈ کے دیگر کھلاڑیوں میں مائیکل بریسویل، ٹام بلنڈیل، ڈیون کانوے، میٹ ہیری ،ٹام لیتھم، ڈیرل مچل،ہنری نکولس، اعجاز پٹیل،کین ولیم سن ،نیل ویگنر اور ول ینگ شامل ہیں۔پاکستان اور نیوزی لینڈ کا پہلا ٹیسٹ 26 دسمبر سے کراچی، دوسرا 3 جنوری سے ملتان میں ہوگا۔دورہ پاکستان کیلئے نیوزی لینڈ ون ڈے سکواڈ کا اعلان 19 دسمبر کو کیا جائے گا۔