لاہور(سپورٹس رپورٹر)پاکستان اولمپک ایسوسی ایشن کے صدر سید عارف حسن نے آئندہ سال ساؤتھ ایشین گیمز کا انعقاد ناممکن قرار دیدیا اور کہا   2024 ء میں کرانے کی کوشش کریں گے۔  اگر ہم انٹرنیشنل گیمز کراتے ہیں تو  کھلاڑیوں کی کارکردگی بھی اسی معیار کی ہونی چاہیے۔ قومی کھلاڑیوں کو بڑے ٹورنامنٹس کے مواقع نہیں ملتے، ہمیں کھلاڑیوں کی تیاری پر زیادہ سے زیادہ زور دینے کی ضرورت ہے، پلیئرز کا ایکسپوژر بڑھانے کیلئے انہیں انٹرنیشنل ایونٹس کی نمائندگی کرانی پڑیگی۔ کھلاڑیوں کو نیشنل اور انٹرنیشنل کوچز کی تربیت دلانی ہوگی یہ ایک کڑی ہے جیسے تواتر سے چلنا چاہیے، کھلاڑیوں کو جب تک انٹرنیشنل ایکسپوژر نہیں ملے گا معیاری کارکردگی دکھانا مشکل ہے، اگر کھلاڑیوں کی تیاریاں اس طرح سے شروع ہوجائیں تو پھر امید باندھی جاسکتی ہے۔