مریدکے(نامہ نگار) شہید صحافی ارشد شریف کی یاد میں خصوصی تقریب سٹی کیفے میں ہوئی ۔ پرنسپل چاند باغ چودھری محمد افضل، کانسٹیبل ظفر اقبال میو مہمانِ خصوصی تھے۔ تقریب ارشد شریف شہید پریس کلب مریدکے کے زیر اہتمام منعقدہوئی ۔ مریدکے کی نمایاں کاروباری، دینی، سماجی و طبی شخصیات نے جس میں بھرپور شرکت کی۔سات کتب کے مصنف انجینئر سعید اختر نے سچے صحافی کی پیشہ وارانہ ذمہ داریوں پرمختصر گفتگو کی۔ان سے پہلے ظفر اقبال میو نے قاتل کو گرفتار کرنے کے واقعہ کی تفصیل حاضرین سے شیئر کی۔اگلے مقرر جماعتِ اہلسنت پنجاب کے رہنما حافظ احمد عبدالستار نوشاہی تھے۔ انہوں نے مریدکے میں نیکی، سچائی اور خیر کے عمل میں مصروف افراد کو زوردار انداز میں خراجِ تحسین پیش کیا۔

 تقریب کے اختتام پر حاضرین نے ظفر اقبال میو کو ان کی بہادری اور فرض شناسی پر کاروباری شخصیت ملک اعجاز احمد، ڈائریکٹر ایسپائر کالج محمد نعمان خالد، بانی بشریٰ ہسپتال ڈاکٹر سہیل عابد، ملک ندیم مجید(ایم ایس شوز)گرین مریدکے اینڈ گرین ہومز پراجیکٹ کے روحِ رواں شیراز احمد، مینجربنک الحبیب کامونکی طاہر اکرام، جماعت بنونِ اسلام کے سابق صدر رانا جاوید اقبال، صدر فٹبال اکیڈمی، مریدکے حاجی غلام محی الدین ، کیمسٹ اینڈ ڈرگسٹ ایسوسی ایشن تحصیل مریدکے کے صدرو افتخار فارمیسی کے ڈائریکٹرچودھری نصیر احمد کمبوہ نے تحائف پیش کیے۔