لاہور (نوائے وقت رپورٹ) وفاقی وزیر چودھری سالک حسین نے کہا کہ وزیراعلیٰ پرویز الٰہی محسن کشوں کا ساتھ نہ دیں، اپنی اصلاح کر کے آئیں تو پی ڈی ایم کو قبول ہیں۔ چودھری سالک حسین نے مسلم لیگ ق اور پی ٹی آئی میں پیدا شدہ صورتحال پر اپنے رد عمل میں کہا کہ یہ تو ہونا ہی تھا، انہوں نے کہا کہ جنرل (ر) باجوہ ہمارے محسن ہیں۔ وہ عمران خان اور پرویز الٰہی کے بھی محسن ہیں۔ وفاقی وزیر کا کہنا تھا کہ پرویز الٰہی کو چاہیے کہ وہ احسان فراموشوں کا ساتھ چھوڑ دیں۔