اسلام آباد (نوائے وقت رپورٹ) صدر مملکت عارف علوی نے شاندار ورلڈ کپ فٹبال کے عالمی چیمپئن بننے پر ارجنٹائن کو مبارکباد دی ہے۔ میسی کے شاندار گول‘ فرانس بھی اچھا کھیلا‘ دو بار پیچھے رہ کر پھر برابر آیا۔ امباپے کی ہیٹ ٹرک لوگوں کو ہمیشہ یاد رہے گی۔ دوست ملک قطر کو ورلڈ کپ فٹبال 2022ء کے کامیاب انعقاد پر مبارکباد‘ ایک ٹویٹ میں شہباز شریف کا کہنا تھا کہ فیفا ورلڈ کپ کا اختتام کیا ہی سنسنی خیز تھا۔ وزیراعظم نے ارجٹینا کے کپتان اور سٹار فٹبالر میسی کی تعریف کرتے ہوئے ورلڈ کپ کے میزبان ملک قطر کی بھی تعریف کی۔ شہباز شریف کا کہنا تھا کہ ایونٹ میں سعودی عرب کا ارجنٹینا کو ہرا کر اپ سیٹ کرنا اور مراکش کی شاندار کارکردگی میرے لئے یادگار ہیں۔ بلاول بھٹو نے کہا کہ لیاری‘ کراچی اور پاکستان کی جانب سے ارجنٹائن کو مبارک باد دیتے ہیں۔ بلاول بھٹو نے ارجنٹینا کی جیت پر لیاری میں ہونے والے جشن کی ویڈیو بھی شیئر کی ہے۔