لاہور(نامہ نگار)صدر پیپلز پارٹی ڈاکٹرز فورم سنٹرل پنجاب ڈاکٹر خیام حفیظ نے کہا ہے کہ پیپلز پارٹی گجرات کے قصائی کو دنیا بھر میں بے نقاب کرے گی۔بھارت اقلیتوں اور سیاحوں کے لیے غیر محفوظ ترین ملک بن چکا ہے۔اپنے ایک بیان میں ڈاکٹر خیام حفیظ نے کہا کہ بھٹو سے لے کر آج تیسری نسل بلاول بھٹو زرداری کشمیر کا مقدمہ ہر سطح پر لڑ رہی ہے۔ مودی کا پالا پہلی مرتبہ کسی شیر سے پڑا ہے۔بلاول بھٹو زرداری انتہا پسند ہندؤوں کے ذہن پر حاوی ہو چکے ہیں۔ پیپلز پارٹی کے جیالے ملک بھر میں مودی کے پتلے نذر آتش کر کے گھسیٹیں گے۔پیپلز پارٹی خطے میں بی جے پی اور آر ایس ایس کو زہر گھولنے کی اجازت نہیں دے گی۔