لاہور(سپورٹس رپورٹر)نوجوان سپنر ابرار احمد نے پاکستان کرکٹ کا نیا ریکارڈ بنا دیا۔ابرار احمد ابتدائی دو ٹیسٹ میں سب سے زیادہ وکٹیں لینے والے پاکستانی بائولر بن گئے۔ نوجوان سپنر اب تک 15 ٹیسٹ وکٹیں لے چکے ہیں۔اس سے قبل فضل محمود نے کیریئر کے ابتدائی دو ٹیسٹ میچز میں 14 وکٹیں لی تھیں۔ ابرار احمد نے ملتان ٹیسٹ میں 11 وکٹیں لیں جبکہ کراچی میں پہلی اننگز میں 4 وکٹیں حاصل کیں۔مجموعی طور پر دو ٹیسٹ میں سب سے زیادہ 24 وکٹیں بھارت کے نریندر ہیروانی نے حاصل کر رکھی ہیں۔