اوکاڑہ (نامہ نگار) تھانہ صدر کے نواحی گاؤں 28 ٹو ایل میں پولیس مقابلہ میں پولیس اور ڈاکوئوں کے مابین کراس فائرنگ سے ایک ڈاکو ہلاک جبکہ اندھیرے کا فائدہ اٹھاتے ہوئے تین ڈاکو فرار ہونے میں کامیاب ہو گئے۔ پولیس کی بھاری نفری نے علاقے کو گھیرے میں لے لیا۔ ڈی پی او فرقان بلال نے کہا ہے کہ فرار ہونے والے ڈاکوئوں کی تلاش جاری ہے، فرار ہونے والے ڈاکوؤں کو جلد گرفتار کر لیا جائے گا۔ ہلاک ڈاکو کی شناخت تاحال نہیں ہو سکی۔
مقابلہ