لاہور (سپورٹس رپورٹر)فیم فٹ بال کلب ماڈل ٹاون کے زیر اہتمام جاری ’’فیم پبلیکن کپ2022‘‘کے دوسرے مرحلے کے ایک میچ میں مراد فٹ بال کلب نے ڈیمولیشن فٹ بال کلب کو دو گولز سے شکست دے کرپری کوارٹرفائنل میں کوالیفائی کرلیا۔فیم کلب ماڈل ٹاون کی مصنوعی روشنیوں میں گزشتہ رات کھیلے گئے میچ میں مراد فٹ بال کلب کو عبدالرحمن اور سفیان آصف کے گولز کی بدولت کامیابی ملی ۔
جبکہ ڈیمولیشن ایف سی حریف ٹیم کی مضبوط دفاعی لائن عبور کرنے میں ناکام رہی۔چیف آرگنائزر وصدر فیم فٹ بال کلب ضیائ￿  عارف ڈوگر کے مطابق ایونٹ میں آج دو میچز کھیلے جائیں گے۔ پہلے میچ میں ینگ شوٹرز کا مقابلہ چائنا اسکیم سے شام چھ بجے ہوگا جبکہ دوسرے میچ میں میزبان فیم فٹ بال کلب کا مقابلہ سینٹرل پارک سے ساڑھے سات بجے ہوگا۔ ایونٹ کے حوالے سے ضیائ￿  ڈوگر کا کہنا تھا کہ فیم پبلیکن کپ اور فیفا فٹ بال کپ کے ایک ساتھ انعقاد نے کھلاڑیوں کے جوش و جذبہ کا مزید بڑھا دیا ہے۔ امید ہے کہ کھلاڑی ورلڈ کپ کے اختتام کے باوجود فیم کپ کے مقابلوں سے لطف اندوز ہوتے رہیں گے۔