قصور(نمائندہ نوائے وقت) چھانگا مانگا اور پتوکی پولےس کی کارروائیاں، پولیس نے سنگین وارداتوں میں ملوث 6 ارکان گرفتار کر لیے۔ ڈی پی او سید عمران کرامت بخاری کی ہدایات پر تھانہ چھانگا مانگا پولیس نے ڈکیتی کی وارداتوں میں ملوث عامر عرف عامری ڈکیت گینگ کے تین ارکان گرفتار کر لئے اور ملزموں کے قبضہ سے لوٹا گیا 6 لاکھ روپے مالیت کا مال مسروقہ اور ناجائز اسلحہ برآمد کر لےا۔ جبکہ پتوکی پولیس نے کارروائی کرتے موٹر سائیکل چور گینگ کے سرغنہ سمیت 3 کارندے گرفتارکرلئے ملزموں کے قبضہ سے لاکھوں روپے، 11 موٹرسائیکلز، 4 رکشہ اور ناجائز اسلحہ برآمد کر لےا گےا۔ ڈی پی او سید عمران کرامت بخاری نے اچھی کارکردگی پر تھانہ چھانگا مانگا پولیس کو شاباش دی۔