لاہور(سپورٹس رپورٹر)انٹرنیشنل کرکٹ کونسل کے چیف ایگزیکٹو آفیسرجیف الرڈائس نے کہا ہے کہ خوشی ہو رہی ہے کہ پاکستان میں انٹرنیشنل کرکٹ تواتر کیساتھ واپس آرہی ہے۔ پاکستان کرکٹ کی دنیا کی مضبوط ترین ٹیم ہے، نیوزی لینڈ کرکٹ ٹیم بھی کچھ دنوں میں پاکستان آ رہی ہے۔ پاکستان میں موجود شائقین کا کرکٹ کے کھیل سے بہت لگاؤ دیکھا ہے، پاکستان کے لوگ سیاحوں سے بہترین سلوک کرتے ہیں۔ جب بھی پاکستان آیا اور سیریز دیکھی، یہاں بہت اچھے طریقے سے استقبال کیا گیا۔ انگلینڈ پاکستان سیریز بہترین رہی۔ ٹیسٹ کرکٹ کی خوبصورتی یہی ہے کہ وہ ہر جگہ مختلف طریقے سے ہوتی ہے، ٹیسٹ کرکٹ سے خوش ہوں، یہی کرکٹ کا حسن ہے۔ 2014 میں ویمن چیمپئن شپ کروائی، ویمن کرکٹ کو ترجیح دے رہے ہیں۔پاکستان کو محفوظ ملک ہے۔