ڈسکہ (نمائندہ نوائے وقت) ڈسکہ کے موضع ٹھکرامہے کی خاتون کے ہاں ڈسکہ کے نجی ہسپتال میں 4 بیٹیاں پیدا ہوئیں‘ چاروں بچیاں صحت مند اور تندرست ہیں، بیگووالہ کے رہائشی سلیمان کی شادی ایک سال قبل ڈسکہ کے موضع ٹھکرامہے کی رہائشی عائشہ سے ہوئی۔ گزشتہ روز عائشہ کے ہاں بیک وقت 4 بچیوں کی پیدائش ہوئیں۔ اس خوش نصیب والدین کے ہاں یہ پہلی اولاد ہے، بچیوں کا باپ سلیمان رحمان بیرون ملک محنت مزدوری کرتا ہے۔ ہسپتال کی ڈاکٹر شازیہ ذیشان کے مطابق چاروں بچیاں صحت مند، تندرست اور معمول کے مطابق خوراک بھی لے رہی ہیں۔ عائشہ کے ہاں بیک وقت 4 بچیوں کی پیدائش پر ددھیال، ننھیال خوشی سے نہال ہیں۔
 4 بچیوں کی پیدائش