منڈی بہاﺅالدین+ملک وال (نامہ نگاران) ملکوال کے علاقہ چاندنی چوک کے قریب دیرینہ دشمنی پر کار سوار مسلح افراد کی فائرنگ سے موٹر سائیکل سوار باپ بیٹا جاں بحق ہو گئے۔ دونوں قتل کیس کی پیشی کیلئے ملکوال عدالت جا رہے تھے۔ تھانہ ملکوال کے علاقہ شمہاری کے ارشد گوندل اپنے بیٹے 25 سالہ علی قیس کے ہمراہ موٹر سائیکل پر ملکوال جا رہے تھے جیسے وہ چاندنی چوک کے قریب پہنچے تو ان پر پیچھے سے آنے والی کار میں سوار افراد نے اندھا دھند فائرنگ کر دی، جس کی زد میں آکر باپ بیٹا موقع پر جاں بحق ہو گئے۔ مقتول پارٹی کی ملزم پارٹی سے دشمنی چلی آ رہی تھی۔
باپ بیٹا قتل