لاہور(سپیشل رپورٹر) پاکستان میں تعلیم کو فروغ دینے کے اپنے مشن کو جاری رکھنے والے ایک ذمہ دار کارپوریٹ کے طور پر،آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے تعلیم سے محروم بچوں کیلئے پنجاب کے ضلع اٹک کے گاو¿ں چھپری میں مشعل علم سکول کھولنے کی تقریب کا افتتاح کیا ہے۔ پاکستان کی سب سے بڑی تیل اور گیس کی تلاش اور پیداواری کمپنی، او جی ڈی سی ایل نے اپنے کارپوریٹ سماجی ذمہ داری پروگرام کے تحت گزشتہ روز ویژن21 کے تعاون سے تعلیم سے محروم بچوں کے لیے پروگرام شروع کیا ہے۔ مشعل علم سکول کو باضابطہ طور پر فعال کر دیا گیا ہے، اور انرولمنٹ مہم کے پہلے ہفتے میں بڑی تعداد میں طلباءکو سکول میں داخل کیا گیا ہے۔
، مہم مزید طلباء کے اندراج کے لیے جاری ہے۔ اس پروگرام کا مقصد 200 سے زائد تعلیم سے محروم بچوں کا اندراج کرنا اور بہتر تعلیمی سہولیات فراہم کرنا ہے۔ واضع رہے مذکورہ تعلیمی پروگرام 29.816 ملین روپے کی لاگت سے شروع کیا گیا تھا۔ مشعل علم سکول پروگرام کے تحت پرائمری، مڈل اور میٹرک کی سطح کے لیے سپیڈ لٹریسی پروگرام کے ذریعے بچوں کو معیاری تعلیم فراہم کی جائے گی۔ پروگرام کی مدت چار سال ہوگی، اور اس کے ساتھ ساتھ ہنر مندی کی ترقی کا ایک مضبوط زاویہ بھی ہے۔ اس اقدام میں کمیونٹی کے طلباءکیلئے چھ ماہ کا اسکل ڈیولپمنٹ پروگرام بھی شامل ہے۔ تعلیمی پروگرام کے بارے میں بات کرتے ہوئے۔ ترجمان آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے کہا، "ملکی ترقی کے لیے سب کے لیے معیاری تعلیم کی فراہمی بنیادی حیثیت رکھتی ہے۔ تعلیم کا معاملہ ناقابل تردید ہے، اور ہمارے پاس ضائع کرنے کا کوئی وقت نہیں ہے۔ اوجی ڈی سی ایل تمام بچوں کے لیے جامع اور معیاری تعلیم کو یقینی بنانے کے لیے پرعزم ہیں۔ ہم نے ملک میں تعلیم کو فروغ دینے کے لیے کئی پروگرام شروع کیے ہیں، اور ہمارے اقدامات ثمرات دے رہے ہیں۔