کراچی (این این آئی)کراچی غربی کے علاقے بلدیہ ٹاﺅن میں گھر میں گیس کے دھماکے کے نتیجے میں میاں بیوی اور ان کے 3 کم سن بچے زخمی ہو گئے۔پولیس کے مطابق واقعہ بلدیہ ٹاﺅن کے علاقے گلشنِ مزدور کی ایل پٹی میں پیش آیا جہاں مبینہ طور پر گھر کے اندر سلنڈر پھٹنے یا گیس جمع ہونے سے دھماکا ہوا۔زخمیوں میں 30 سالہ یاسمین زوجہ عبداللطیف، ان کے بچے 3 سالہ منان خان، سوا سالہ من سلویٰ، 3 ماہ کی بچی رباب اور بچوں کا والد 38 سالہ عبداللطیف شامل ہیں۔واقعہ کے زخمیوں کو ایدھی ایمبولینس کے ذریعے سول ہسپتال کے برنس وارڈ منتقل کر دیا گیا ۔
کراچی گیس دھماکہ