ننکانہ صاحب،وار برٹن (نامہ نگاران) گھر میں گیس سلنڈر دھماکہ، ماں اور کمسن بیٹی جاں بحق اور دوسری بیٹی‘ باپ بری طرح جھلس گئے۔ دھماکے کی شدت سے مکان منہدم ہو گیا۔ تفصیلات کے مطابق صبح سویرے نواحی قصبہ واربرٹن کے غوثیہ بازار کے قریب ملک جمیل نامی شخص کے گھر میں گیس سلنڈر کا دھماکہ ہوا، دھماکے سے مکان منہدم ہو گیا جس کے نتیجہ میں 6سالہ بیٹی مناحل اور اس کی والدہ صوبیہ زخموں کی تاب نہ لاتے ہوئے زندگی کی بازی ہار گئیں جبکہ 5 سالہ اذکاءاور والد جمیل شدید زخمی ہوگئے جن کو واربرٹن کے سرکاری ہسپتال منتقل کیا جہاں سے جمیل کو تشویشناک حالت کے پیش نظر لاہور ہسپتال ریفر کر دیا گیا۔
ننکانہ‘ سلنڈر دھماکہ