شیخوپورہ (نمائندہ نوائے وقت) آل پاکستان پاسٹرز الائنس کے مرکزی چیئرمین ڈاکٹر قیصر شہزاد کی رہائشگاہ پر کرسمس کا کیک کاٹنے کی تقریب ہوئی جس میں ڈی پی او نوید ارشاد، الحاج سید مشتاق حسین شاہ، چوہدری ثناء اللہ جٹ، ناظم اشرف، شہزاد ورک، میاں منظور احمد، ظہیر عالم شاہ، ملک شبیر سمیت مسیحی رہنماؤں نے شرکت کی، اس موقع پر ڈی پی او نوید ارشاد نے مسیحی برادری کو کرسمس کی مبارکباد دی شرکا سے خطاب کرتے ڈاکٹر قیصر شہزاد نے کہا کہ کرسمس خوشیوں کے تبادلہ کا تہوار ہے مسیحی برادری وطن عزیز پاکستان کی سلامتی و استحکام کی داعی ہے ، پاکستان کے خلاف کی جانیوالی ہر سازش کو ناکام بنایا جائے گا۔