فیروزوالہ:ٹریفک حادثات میںپولیس کانسٹیبل ہلاک ،اور 4 افراد زخمی
فیروز والہ( نامہ نگار) جی ٹی روڈ پر ٹریفک حادثات میں پولیس کانسٹیبل ہلاک اور 4 افراد زخمی ہوگئے جن کو طبی امداد کیلئے ہسپتال داخل کر دیا گیا۔ لاہور روڈ پر تیز رفتار کار نے موٹر سائیکل سوار پولیس کانسٹیبل شفاقت علی کو روند ڈالا جو موقع پر جان بحق ہوگیا۔ حادثہ کے بعد ڈرائیور کار چھوڑ کر فرار ہو گیا۔ بتایا جاتا ہے کہ تھانہ بھکھی میں تعینات کانسٹیبل شفاقت علی موٹرسائیکل سوار کا اپنی ڈیوٹی پر تھانے جارہا تھا جب راستے میں پہنچا تو تیر رفتار کار نے اسے ٹکر مار دی جس سے وہ شدید زخمی ہو گیا۔ اسے طبی امدادکیلئے ہسپتال لے جا رہے تھے کہ راستے میں دم توڑ گیا۔ پولیس نے واقعے کا مقدمہ درج کرلیا۔ جی ٹی روڈ پر کالا شاہ کاکو قریب ٹرالہ اور کار کے درمیان تصادم کے نتیجے میں 4 افراد زخمی ہوگئے۔
