لاہور(سپورٹس رپورٹر)پاکستان کرکٹ بورڈ کے سابق چیئرمین رمیز راجہ نے کہاہے کہ پی سی بی میں آنے والا نیاوفد بورڈ پر زبردستی حکومت کرنا چاہتاہے، ایسی تبدیلیوں سے پاکستان کرکٹ کا سسٹم نیچے چلا جاتاہے۔ انگلینڈ کی سیریز کے بعد پاکستان کے بیٹرز کا سٹرائیک ریٹ بہتر ہوگیا ہے۔ ایشیاکپ پاکستان سے کسی نیوٹرل جگہ پرلے کر جانا مجھے گوارا نہیں تھا۔ 20سال کمنٹری کرنے کے بعد کرکٹ پر تجزیہ کرنا آسان ہوتا ہے، عمران خان میرے سینئر اور ملک کے لیڈر ہیں، کرکٹ کے لحاظ سے عمران خان ہمیشہ ہمارے ہیرو  رہیں گے۔