بنوں: فائرنگ کا تبادلہ، 4 دہشت گرد ہلاک، ایک جوان شہید
اسلام آباد (خصوصی نامہ نگار) پاک فوج کے شعبہ تعلقات عامہ کے مطابق ضلع بنوں کے علاقے جانی خیل میں سکیورٹی فورسز اور دہشت گردوں کے درمیان فائرنگ سے اہلکار شہید جبکہ 4دہشت گرد ہلاک ہوگئے۔ آئی ایس پی آر کے مطابق سکیورٹی فورسز اور دہشت گردوں کے درمیان شدید فائرنگ کے تبادلے میں 4 دہشت گرد مارے گئے اور ہلاک دہشت گردوں سے اسلحہ اور گولہ بارود بھی برآمد ہوا ہے۔ آئی ایس پی آر کے مطابق کہ دہشت گردوں کی فائرنگ سے 25 سالہ سپاہی محمد وسیم بہادری سے مقابلہ کرتے ہوئے شہید ہوگیا۔ آئی ایس پی آرکے مطابق مارے گئے دہشت گرد معصوم شہریوں کے قتل اور سکیورٹی فورسز کے خلاف دہشت گردی کی کارروائیوں میں ملوث تھے۔ علاقے میں موجود دہشت گردوں کو ختم کرنے کے لیے علاقے کا کلیئرنس آپریشن جاری ہے۔
دہشتگرد ہلاک
