ساہیوال (نمائندہ نوائے وقت) ادھار رقم واپس مانگنے اور رشتہ کے تنازعہ پر فائرنگ کر کے 2 افراد کو قتل کر دیا گیا۔ نواحی گائوں 111/9-L میں محمد منشاء کا بیٹا علی حیدر ادھار دی ہوئی رقم مقبول عرف گوگی جوئیہ کے پاس گیا اور رقم کا تقاضا کیا جس پر تلخ کلامی ہوگئی اور گوگی جوئیہ کے ملازم ممتاز نے پسٹل سے فائرنگ کر کے علی حیدر کو شدید زخمی کر دیا جسے علاج کیلئے ہسپتال لے جایا جا رہا تھا کہ راستے میں دم توڑ گیا۔ قتل کی ایک اور واردات کمیر میں ہوئی۔ محمد اقبال اور صفدر وغیرہ کے درمیان رشتہ کا تنازعہ چل رہا تھا جس کا صفدر وغیرہ کو رنج تھا۔  وقوعہ کے وقت محمد اقبال کا بیٹا علی رضا اپنے ماموںکے گھر محلہ اسلام پورہ کمیر موٹر سائیکل پر جا رہا تھا اور صفدر وغیرہ کے گھر کے سامنے سے گزر رہا تھا تو ملزموں نے گن پوائنٹ پر اسے روک کر فائرنگ کر کے قتل کر دیا۔  پولیس نے الگ الگ مقدمات درج کر لئے ہیں۔