جدہ (اے پی پی)سعودی عرب  کے علاقے  المخواہ   میں آسمانی بجلی گرنے سے ایک شخص ہلاک  اور  2 زخمی ہو گئے   ۔ سعودی خبررساں ادارے کے مطابق   میڈیا سے گفتگو کرتے ہوئے  ہلاک ہونے والے شخص  خالد الغامدی کے معمر والد نے بتایا کہ ان کا بیٹا موسم سے لطف اندوز ہونے کیلیے اپنے ساتھیوں کے ساتھ تفریح کیلیے گیا جہاں انہوں نے کھانے کا پروگرام بنایا تھا۔ تمام دوست کھانے سے فارغ ہونے کے بعد تفریحی مقام پربیٹھے باتوں میں مصروف تھے کہ اچانک آسمانی بجلی ان پرآگری۔
 جس سے خالد الغامدی موقع پر ہی ہلاک  اور  اس کے 2 دوست زخمی ہوگئے ۔  انہوں نے کہا  کہ واقعے کی اطلاع ملتے ہی ہلال الاحمر کی ٹیمیں جائے وقوعہ پرپہنچ گئیں جنہوں نے زخمیوں کو فوری طبی امداد دیتے ہوئے انہیں  قریبی  ہسپتال منتقل کردیا ۔