لاہور(سپورٹس رپورٹر)ساتویں سرینا ہوٹلز نیشنل رینکنگ ٹینس ٹورنامنٹ میں عقیل خان نے مینز اور سارہ محبوب نے ویمنز سنگلز ٹائٹلز جیت لئے۔ مینز سنگلز فائنل میں عقیل خان نے محمد شعیب کو 3-6 اور 2-6 سے ہر اکر ٹائٹل اپنے نام کیا جبکہ ویمنز سنگل فائنل میں سارہ محبوب خان عیشا جواد کو 2-6 اور 2-6 سے مات دے کر ٹائٹل لے اڑیں۔ بوائز انڈر 18 سنگل فائنل میں سمیع زیب خان نے مہاتیر محمد کو 4-6 اور 2-6 جبکہ بوائز انڈر 14 سنگلز فائنل میں ابوبکر طلحہ نے عبدالباسط کو 2-6 اور 2-6 سے ہر ا کر ٹائٹلز حاصل کئے۔  پی ٹی ایف کے صدر سلیم سیف اللہ خان نے بطور مہمان اعزاز اختتامی تقریب میں شرکت کی۔