لاہور(سپورٹس رپورٹر)پاکستان ویمن کرکٹ ٹیم کی کپتان بسمہ معروف نے کہا ہے کہ گزشتہ سال کھلاڑیوں کی کارکردگی شاندار رہی۔ ورلڈکپ 2022ء میں اچھا نہ کھیل سکے، ایونٹ میں پاکستان کا ویسٹ انڈیز کو ہرانا 13 برس میں ورلڈ کپ میں پہلی کامیابی تھی۔ ایشیا کپ میں بھارت کو 2014ء کے بعد پہلی مرتبہ ہرایا، سری لنکا اور آئر لینڈ کیخلاف 6 میں سے 5 ون ڈے میچز جیتے۔ آئی سی سی ویمنز چیمپئن شپ میں پاکستانی ٹیم دوسرے نمبر پر رہی اور 3 کرکٹرز نے ویمنز پلیئر آف دی منتھ کے ایوارڈز جیتے۔ آئر لینڈ کی ٹیم نے پہلی مرتبہ پاکستان کا دورہ کیا جو شاندار رہا۔