ساہیوال (نمائندہ نوائے وقت) نامعلوم ملزموں نے خاتون کو آگ لگا دی۔ خاتون جھلس کر جاں بحق ہو گئی۔ تفصیلات کے مطابق محلہ فرید گنج میں ایک خاتون انور بی بی گھر میں موجود تھی کہ ملزموں نے اسے آگ لگا دی جس کے نتیجہ میں وہ جھلس کر جاں بحق ہوگئی۔  خاتون کے سر میں فائر بھی لگا ہوا تھا۔ آگ لگنے سے کمرہ میںپڑی چارپائیاں اور دیگر سامان جل گیا۔ ریسکیو1122 نے موقع پر پہنچ کرآگ بجھائی ۔ پولیس تھانہ سٹی نے محمد ریاض کی رپورٹ پر ملزموں کے خلاف مقدمہ درج کر لیا ہے۔