کھاریانوالہ /بھکھی/ اسلام آباد (نمائندہ خصوصی/ نامہ نگار + خبر نگار) فیصل آباد روڈ کی آبادی فیروز وٹواں کے قریب مسافر ویگن دھند کے باعث ٹرالر سے ٹکرا گئی۔ 14مسافر زخمی ہوئے جن میں 2معمر خواتین زخموں کی تاب نہ لاتے ہوئے جاں بحق ہو گئیں۔ بتایا گیا ہے مسافر ویگن نمبری 7544ایم این کیو ایک پمپ کے قریب اچانک یوٹرن لینے والے ٹرالر نمبری 369ٹی ایل ایف سے ٹکرا گئی۔ ریسکیو 1122 کے اہلکاروں نے زخمیوں 26سالہ آصف، 26سالہ سانول، 24سالہ قمر، 22سالہ زوہیب، 24سالہ طارق، 40سالہ احسان، 35سالہ خرم شہزاد، 40سالہ سیماں بی بی، 50سالہ اسحاق، 50سالہ شبیر، 60سالہ عبدالقادر، تسلیم محمد 40سالہ اور 20سالہ مبشر وغیرہ  کو ہسپتال پہنچایا۔ 2معمر خواتین میں سے 2افراد  ایمرجنسی میں چل بسیں، شناخت نہ ہو سکی۔ ملک کے بیشتر علاقوں میں آج موسم سرد اور خشک اور بالائی علاقوں شدید سرد ر ہے گا جبکہ میدانی علا قوں میں شدید دھند پڑ گئی۔ محکمہ موسمیات کے مطابق کم سے کم درجہ حرارت لیہہ منفی15، استور منفی 12،سکردو منفی 11، گوپس،کالام، زیارت منفی 09، ہنزہ منفی 07، قلات منفی06، بگروٹ، دیر، پاراچنار منفی 05، گلگت اور راولاکوٹ میں منفی 04 ڈگری سینٹی گریڈ ریکارڈ کیا گیا۔