لاہور (نیوز رپورٹر+ کامرس رپورٹر) برائلر مرغی کے گوشت کی قیمتوں میں اضافے کا رجحان گزشتہ روز بھی جاری رہا اور قیمت تاریخ کی بلند ترین سطح پر پہنچ گئی۔ شہر میں پرچون سطح پر فی کلو برائلر مرغی کے گوشت کی قیمت مزید 5روپے اضافے سے 524روپے، زندہ برائلر مرغی کی قیمت 3روپے اضافے سے349 روپے رہی۔ جبکہ فارمی انڈوں کی قیمت 274 روپے فی درجن پر مستحکم رہی۔ کامرس رپورٹر کے مطابق پاکستان پولٹری ایسوسی ایشن نے اڑھائی ماہ سے سویابین اور کینولا کے پورٹ پر جہاز کلیئر نہ کئے جانے کے باعث ملک میں پولٹری کا بحران شدید ہونے پر برائلر مرغی کے گوشت کی قیمتوں میں مسلسل اضافہ کے خلاف کل 5جنوری کو ٹھوکر نیاز بیگ میں احتجاج کا اعلان کر دیا ہے۔
برائلر گوشت