لاہور سمیت پنجاب کے مختلف شہروں میں زلزلہ‘ شدت 4.1 ریکارڈ
لاہور +شیخوپورہ( نوائے وقت رپورٹ+نمائندہ خصوصی) لاہور سمیت پنجاب کے مختلف شہروں میں زلزلے کے جھٹکے محسوس کیے گئے ہیں۔صوبائی دارالحکومت لاہور سمیت پنجاب کے مختلف شہروں قصور ، فاروق آباد ، سانگلہ ہل ، گوجرانوالہ ، مرید کے میں زلزلے کے جھٹکے محسوس کیے گئے ، زلزلے سے لوگوں میں خوف پھیل گیا اور وہ کلمہ طیبہ کا ورد کرتے ہوئے گھروں سے باہر نکل آئے۔زلزلہ پیما مرکز کیمطابق زلزلے کی شدت ریکٹر اسکیل پر4 اعشاریہ 1 جبکہ گہرائی 15 کلومیٹر ریکارڈ کی گئی ، زلزلے کا مرکز شیخوپورہ سے 20کلومیٹر دور ریکارڈ کیا گیا۔زلزلے سے کسی جانی و مالی نقصان کی اطلاع موصول نہیں ہوئی۔
زلزلہ
