کراچی (نوائے وقت رپورٹ) سندھ کے سیلاب زدہ علاقوں کے دورے میں  وزیرخارجہ و پاکستان پیپلز پارٹی کے چیئرمین بلاول بھٹو زرداری کی ننگے پیر بچوں کے ساتھ تصویر موضوع بحث بن گئی۔ رہنما پی ٹی آئی علی حیدر زیدی نے لکھا کہ بھینسوں کے باڑے سے بدتر کلاس روم میں تصویر بنوانے والے اس تصویر کے بل پر بین الاقوامی فنڈنگ مانگیں گے‘ لیکن وہ فنڈز نہ سکول پہنچیں گے نہ ان بچوں تک۔ جواب میں وزیر بلدیات سندھ ناصر شاہ نے لکھا کہ آپ بچوں کے ننگے پائوں دیکھیں‘ ہم ان کے دمکتے چہرے دیکھتے ہیں۔