لاہور(سپورٹس رپورٹر)نیوزی لینڈ کے ٹیسٹ کرکٹر مائیکل بریسویل نے کہا ہے کہ پاکستان سے دونوں ٹیسٹ میچز میں کافی دلچسپ مقابلہ ہوا۔ دونوں میچز آخری روز اور آخری سیشن تک گئے، ہم پلہ مقابلہ رہا۔آخری لمحات میں کوشش تھی کہ ایک اچھی گیند ہو اور وکٹ ملے، وہی حکمت عملی رکھی، جو سارا دن میرے کام آئی۔ کوشش تھی کہ میچ جیتنا ہے، فوکس وکٹ لینے پر تھا، جب نسیم نے شاٹ ماری تو ذہن میں آیا کہ پاکستان ہدف کی جانب جا سکتا ہے۔ جب فیلڈر اندر ہوتے ہیں تو شاٹس لگنے کا چانس بھی ہوتا ہے، سرفراز احمد نے پوری سیریز میں زبردست کھیلا، ہم پر دبائورکھا۔ سرفراز احمد ہی پلیئر آف دی سیریز کے جائز حقدار تھے، پاکستان میں اب تک کا قیام اچھا رہا، اب نظریں ون ڈے سیریز پر ہیں۔ ٹیسٹ میچز کا دلچسپ ہونا اور آخری لمحات تک جانا اچھی نشانی ہے۔