شرقپور شریف (آئی این پی) مسلم لیگ (ن)کے مستعفی ہونے والے ایم پی اے میاں جلیل شرقپوری نے سیاست چھوڑنے کا اعلان کر دیا۔ پریس کانفرنس کرتے ہوئے میاں جلیل شرقپوری نے کہا چیئرمین پی ٹی آئی عمران خان کے ساتھ تھا اور ساتھ ہی رہوں گا، علاقائی سیاسی مصروفیات سے نکل کر 24 گھنٹے عمران خان کیلئے کام کروں گا، عمران خان کے ارد گرد مفاد پرستوں کا ٹولہ ہے جس کو جاننا ان کیلئے بہت ضروری ہے۔ ن لیگ کے سابق ایم پی اے نے کہا  پنجاب اور کے پی کے دونوں اسمبلیوں کو فوری تحلیل کر دینا چاہیے۔