بلاول کا رابطہ، چینی وزیر خارجہ کو تقرر پر مبارکباد
اسلام آبا د (خصوصی نامہ نگار) وزیر خارجہ بلاول بھٹو زرداری اور چینی ہم منصب میں ٹیلی فونک رابطہ ہوا۔ بلاول بھٹو نے چینی ہم منصب کو تقرری پر مبارکباد دی۔ ترجمان دفتر خارجہ کے مطابق ٹیلی فونک رابطہ کے دوران دونوں ممالک کے وزرائے خارجہ نے باہمی دلچسپی کے علاقائی امور پر تبادلہ خیال کیا۔ بلاول بھٹو زرداری نے کہا کہ پاکستان اور چین ہمہ موسمی شراکت دار اور دوست ہیں۔ پاکستان اور چین کی باہمی حمایت اور تعاون کی ایک طویل تاریخ ہے۔ وزیر خارجہ بلاول بھٹو نے جنیوا کانفرنس میں چین کی فعال شرکت اور حمایت پر چینی ہم منصب کا شکریہ ادا کیا۔
بلاول
